வேப்பூர் தாலுகா அலுவலகத்தில் நடந்த ஜமாபந்தியில் கலெக்டர் அருண் தம்புராஜ் பொதுமக்களிடமிருந்து, முதியோர் ஓய்வூதியம், பட்டா மாற்றம், ரேஷன் அட்டை, பட்டா கோருதல் உள்ளிட்ட பல்வேறு மனுக்களை பெற்றார்.

பின், 5 பயனாளிகளுக்கு வீட்டுமனை பட்டா, 67 பேருக்கு பட்டா மாற்றத்திற்கான ஆணை, மாற்றுத்திறனாளி பயனாளிக்கு மாதம் 2,000 ரூபாய் பராமரிப்பு உதவித் தொகைக்கான ஆணை, பிற்படுத்தப்பட்டோர் நலத்துறை மூலம் 4 பயனாளிகளுக்கு தையல் இயந்திரங்கள், ஆதிதிராவிடர் நலத்துறை மூலம் 3 பயனாளிகளுக்கு தையல் இயந்திரங்கள், மாற்றுத்திறனாளிகள் நலத்துறை மூலம் 2 பயனாளிகளுக்கு மூன்று சக்கர வாகனங்களை கலெக்டர் வழங்கினார்.

நிகழ்ச்சியில் வருவாய்துறை அலுவலர்கள் உள்ளிட்ட பல்வேறு துறை அலுவலர்கள் கலந்து கொண்டனர்.