கடலுார் உண்ணாமலை செட்டிச்சாவடி விசாலி நகரை சேர்ந்தவர் பாஞ்சாலம், 62; இவரது வீட்டு கழிவுநீர் அருகே உள்ள உதயகுமார் 35; வீட்டு வழியாக ஓடியுள்ளது. இதனை உதயக்குமார் தட்டிகேட்டதால் தகராறு ஏற்பட்டு இரு தரப்பாக தாக்கி கொண்டனர்.

உதயக்குமார், அவரது தந்தை சண்முகம், தாய் பெரியநாயகி ஆகியோர், பாஞ்சாலம் மற்றும் அவரது மனைவி ஜெயலட்சுமியை தாக்கினர்.

பாஞ்சாலம் ஜெயலட்சுமி ஆகியோர் உதயகுமாரை தாக்கினர். இதில், படுகாயமடைந்த பாஞ்சாலம், உதயக்குமார் இருவரும் கடலுார் அரசு மருத்துவமனையில் சேர்க்கப்பட்டனர்.

இது குறித்து பாஞ்சாலம், உதயக்குமார் தனித்தனியாக கொடுத்த புகாரின் பேரில் கடலுார் புதுநகர் போலீசார் உதயகுமார், சண்முகம், பெரியநாயகி, பாஞ்சாலம், ஜெயலட்சுமி ஆகிய ஐந்து பேர் மீது வழக்கு பதிந்து விசாரிக்கின்றனர்.