நேற்று முன்தினம், பா.ஜ., சார்பில், சிதம்பரத்தில் கூட்டணி கட்சியினர் பங்கேற்ற வேட்பாளர் அறிமுக கூட்டம் நடந்தது. அதில், வேட்பாளர் கார்த்தியாயிணி, கூட்டணி கட்சியில் உள்ள பா.ம.க., விற்கு மட்டும் முக்கியத்துவம் தரும் வகையில், அவரது பேச்சும், செயல்பாடும் இருந்துள்ளதாக மற்ற கட்சியினர் புகார் தெரிவித்தனர்.

மேடையில் அமர்ந்திருந்த ஒரு கட்சியின் மாவட்ட செயலாளரை, வேறு இடத்தில் மாறி உட்காருமாறு வேட்பாளரே சொல்லியதால் அக்கட்சியினர் வருத்தத்தோடு வெளியேறியதாக கூறப்படுகிறது. அதேபோல் த.மா.கா., கட்சியினரும் தங்களுக்கான முக்கியத்துவம் வழங்கப்படவில்லை என கூட்டத்தில் இருந்து வெளியேறினர்.

தி.மு.க., மெகா கூட்டணியில், வி.சி., கட்சி தலைவர் திருமாவளவனை, எதிர்த்து களம் இறங்கியுள்ள பா.ஜ., அனைவரையும் அரவணைத்து தேர்தல் பணியாற்றி, வெற்றிக்காக பாடுபட வேண்டும் என கூட்டணி கட்சியினர் கூறி வருகின்றனர்.