புவியியல் மற்றும் சுரங்கத்துறை உதவி இயக்குனர் செல்வசேகர் தலைமையிலான அதிகாரிகள் நேற்று தே.கோபுராபுரம் பகுதியில் வாகன தணிக்கையில் ஈடுபட்டிருந்தனர்.

அப்போது, அவ்வழியாக வந்த மினி லாரியை சோதனை செய்தனர். அதில், அனுமதியின்றி 2 யூனிட் கூழாங்கற்கள் கடத்தி சென்றது கண்டுபிடிக்கப்பட்டது.

தொடர்ந்து, விருத்தாசலம் போலீசாரிடம் லாரியை ஒப்படைத்தனர். இதுகுறித்த புகாரின் பேரில்,  விருத்தாசலம் போலீசார் வழக்குப் பதிந்து, லாரியை பறிமுதல் செய்து, தப்பியோடிய டிரைவரை தேடி வருகின்றனர்.