அவர் கூறுகையில், தற்போதுள்ள இளைஞர்கள் பலருக்கு ரத்த சோகை, நீரழிவு உள்ளிட்ட பாதிப்பு ஏற்படுகிறது. இவர்கள் தங்களது உடல் சோர்வை போக்கிட எந்த வேலையும், பயிற்சியும் செய்வதில்லை. பலர் கஞ்சா, குட்கா உள்ளிட்ட போதை பொருட்களுக்கு அடிமையாகி விட்டனர். மேலும் மொபைல் போனில் வைத்துக்கொண்டு நேரத்தை வீணாக்கி வருகின்றனர்.

இதனால் இளைஞர்கள் மற்றும் மாணவர்களின் மனநிலையை மாற்றி,மனதை ஒரு நிலைபடுத்திடவும், உடல் திடகாத்திரமாக வைத்துக்கொள்ளவும் கராத்தே, சிலம்பம் போன்ற தற்காப்பு கலை பயிற்சிகள் உதவுகிறது.

இந்த பயிற்சியில் ஈடுபடுபவர்களுக்கு நோய் எதிர்ப்பு சக்தி அதிகரிக்கும் என, தெரிவித்தார்.

இவரது அமைப்பு, பண்ருட்டியில் ஆயிரத்திற்கு மேற்பட்டோர் ஒரே இடத்தில் கூடி, சிலம்பம், கராத்தே உள்ளிட்டவைகளில் தொடர்ந்து 33 நிமிட சாகசம் செய்து உலக சாதனை நிகழ்ச்சியை சமீபத்தில் நடத்தியது குறிப்பிடத்தக்கது.