விருத்தாசலம் அடுத்த பெரம்பலுார் கிராமத்தைச் சேர்ந்தவர் நமச்சிவாயம், 60. இவர் நேற்று முன்தினம் விருத்தாசலம் - வேப்பூர் சாலையில் உள்ள கொடுக்கூர் பஸ் நிறுத்ததில் நின்று கொண்டிருந்தார்.

அப்போது, வேப்பூர் பகுதியைச் சேர்ந்த வெங்கடாசலம், 44, ஓட்டி வந்த பைக், நமச்சிவாயம் மீது மோதியது. பலத்த காயமடைந்த அவரை, அருகில் இருந்தவர்கள், விருத்தாசலம் அரசு மருத்துவமனையில் சேர்த்தனர். அங்கு அவர் இறந்தார்.

விருத்தாசலம் போலீசார் வழக்கு பதிந்து விசாரித்து வருகின்றனர்.