அப்போது அவர் பேசியது:

அ.தி.மு.க., தே.மு.தி.க.,கூட்டணி ராசியான கூட்டணி. மக்கள் விரும்பும் கூட்டணி, பழனிச்சாமி ஆட்சியில் சிறந்த திட்டங்களை மக்களுக்கு தந்தார். 2011 வரலாறு மீண்டும் திரும்பும். திட்டக்குடி தொகுதி ஏற்கனவே முரசு வென்ற தொகுதிதான். கேப்டன் கஷ்டப்பட்டு ஆளாக்கினா, முதுகில் குத்திட்டுப்போகிறவர்களை கடவுள் பார்த்துக்குவார். ஆனால், உங்களுக்கு உழைப்பவரை வேட்பாளராக இங்கே நிறுத்தியுள்ளோம். கடலுார் தி.மு.க.,எம்.பி., தொகுதிப்பக்கம் எட்டிப்பார்க்கவே இல்லை. எனவே, இங்கு தே.மு.தி.க., சார்பில் போட்டியிடும் சிவக்கொழுந்துவிற்கு முரசு சின்னத்தில் ஓட்டளியுங்கள்.

தொண்டர்கள் பிரசார பீரங்கியாக மாறி முரசு சின்னத்தை வீடாக கொண்டுபோய் சேர்த்து வெற்றியை தேடித்தர வேண்டும். துளசி வாசம் மாறினாலும் மாறும், தவசி வளர்ப்பு பிள்ளை வார்த்தை மாற மாட்டார்கள். கொடுத்த வாக்குறுதிகளை காப்பாற்றுவோம்.

இவ்வாறு அவர் பேசினார். அ.தி.மு.க.,கடலுார் மேற்கு மாவட்டசெயலாளர் அருண்மொழிதேவன் எம்.எல்.ஏ., மாவட்ட தகவல் தொழில்நுட்ப பிரிவு செயலாளர் முத்தமிழ்செல்வன், தே.மு.தி.க., கடலுார் தெற்கு மாவட்டசெயலாளர் உமாநாத், விழுப்புரம் மாவட்ட செயலாளர் வெங்கடேசன் மற்றும் நிர்வாகிகள் உடனிருந்தனர்.