விருத்தாசலம் விருத்தகிரீஸ்வரர் கோவில் எதிரில் உள்ள மண்டபத்தில், திருமுதுகுன்றம் தெய்வச் சேக்கிழார் செந்தமிழ்ச் சங்கம் சார்பில், குரு பூஜை விழா கொண்டாடப்பட்டது. காலை 8:00 மணியளவில், பழமலைநாதர், அம்பாள் மற்றும் சேக்கிழார் உற்சவ மூர்த்திகள் சிறப்பு அலங்காரத்தில் எழுந்தருளினர்.

கயிலை வாத்தியங்கள் முழங்க சேக்கிழார் செந்தமிழ்ச் சங்க நிர்வாகிகள், சிவனடியார்கள் சிறப்பு வழிபாடு நடத்தினர். தொடர்ந்து, விருத்தகிரீஸ்வரர் கோவில் தேரோடும் வீதிகள் வழியாக சுவாமிகள் ஊர்வலமாக வந்து அருள்பாலித்தனர்.