ஒவ்வொரு ஊராட்சிகளிலும் கபடி, கைப்பந்து உள்ளிட்ட மைதானங்கள் என ரூ. 87 ஆயிரம் மதிப்பில் ஏற்படுத்தப்பட்டது. கடலுார் மாவட்டத்தில் உள்ள 683 ஊராட்சிகளில் உபயோகமற்ற காலி இடங்களில் நுாறு நாள் வேலைத்திட்ட தொழிலாளர்களை பயன்படுத்தி அம்மா இளைஞர் விளையாட்டு மைதானம் அமைக்கப்பட்டது.

அதன்படி, நல்லுார் ஒன்றியம், பெண்ணாடம் அடுத்த கொசப்பள்ளம் ஊராட்சி, பெரிய கொசப்பள்ளத்தில் அம்மா இளைஞர் விளையாட்டு மைதானம் அமைக்கப்பட்டது. போதிய பராமரிப்பின்றி உள்ளதால் தற்போது திட்ட அறிவிப்பு பலகைதான் மிச்சமாக உள்ளது. விளையாட்டு மைதானத்தை காணவில்லை.

மாவட்ட, ஒன்றிய அதிகாரிகள் பார்வையிட்டு விளையாட்டு மைதானத்தை சீரமைக்க வேண்டும் என இளைஞர்கள் கோரிக்கை விடுத்துள்ளனர்.