விருத்தாசலம் தெற்கு பெரியார் நகர், ருக்மணி சத்யபாமா சமேத ராஜகோபால சாமி கோவிலில், வைகாசி பிரம்மோற்சவம் கடந்த 20ம் தேதி துவங்கியது. தினசரி பெருமாள், தாயாருக்கு சிறப்பு திருமஞ்சனம், இரவு சாமி வீதியுலா நடந்தது.

முக்கிய நிகழ்வாக, நேற்று முன்தினம் இரவு 7:00 மணிக்கு மேல், ருக்மணி சத்யபாமா சமேத ராஜகோபால சுவாமிக்கு திருக்கல்யாணம் நடந்தது. முன்னதாக, பருவமழை பெய்யவும், உலக நன்மை வேண்டி சிறப்பு வேள்வி பூஜை நடந்தது.

சுவாமி சிறப்பு அலங்காரத்தில் வீதியுலா வந்து அருள்பாலித்தார். நாளை வைகாசி உற்சவம் நிறைவு பெறுகிறது.