இதற்காக ஒவ்வொரு ஊராட்சிக்கும் தலா 50ஆயிரம் ரூபாய் நிதி ஒதுக்கப்பட்டது. கடமைக்கு அமைக்கப்பட்ட அந்த விளையாட்டு மைதானங்கள் தற்போது இருக்கும் இடம் தெரியாமல் காணாமல் போய்விட்டது. சில ஊர்களில் அதே இடத்தில் குடிநீர் தொட்டி போன்ற வேறு திட்டங்களை செயல்படுத்தியுள்ளனர்.

கிராமத்து இளைஞர்கள் விளையாட்டில் சாதிக்க வேண்டும் என்ற நோக்கத்தில், அரசு உருவாக்கிய திட்டத்தை உள்ளாட்சி பிரதிநிதிகள், அரசு அதிகாரிகள் முறையாக செயல்படுத்தாமல் கண்துடைப்பு வேலை செய்து நிதியை விரயம் செய்தனர். மாவட்ட நிர்வாகம் உரிய நடவடிக்கை மேற்கொண்டு கிராமங்கள் தோறும் விளையாட்டு மைதானங்களை, செயல்பாட்டிற்கு கொண்டுவர நடவடிக்கை எடுக்க வேண்டும்.