கடலுார் மாவட்டம், விருத்தாசலம் அடுத்த எருமனுார் கிராமத்தை சேர்ந்தவர் நாகப்பன் மனைவி தனலட்சுமி,40. இவருக்கு நேற்று முன்தினம் மூச்சுத்திணறல் ஏற்பட்டு, விருத்தாசலம் அரசு மருத்துவமனையில் சிகிச்சை பெற்று வந்தார்.

நேற்று முன்தினம் இரவு 9:00 மணியளவில், தனலட்சுமி, தான் சிகிச்சை பெற்று வந்த வார்டில், தனது புடவையால் துாக்கிட்டு தற்கொலைக்கு முயன்றார். உடன் அங்கிருந்தவர்கள் அவரை மீட்டனர். தீவிர சிகிச்சை அளித்தும் பலனின்றி, இரவு 11:00 மணியளவில் இறந்தார்.

தகவலறிந்து வந்த விருத்தாசலம் போலீசார் தனலட்சுமியின் உடலை மீட்டு, பிரேத பரிசோதனைக்கு அனுப்பி வைத்தனர். இதுகுறித்து வழக்குப் பதிந்து விசாரித்து வருகின்றனர்.