ஆவினங்குடி அடுத்த தொளார்குடிகாடு கிராமத்தை சேர்ந்தவர் வேல்முருகன் மனைவி இந்துமதி, 27. திருமணமாகி இரண்டு குழந்தைகள் உள்ளனர். வேல்முருகன் தற்போது வெளிநாட்டில் பணிபுரிகிறார். நேற்று முன்தினம் இரவு இந்துமதிக்கும், பக்கத்துவீட்டில் இருந்தவர்களுக்கு வாய்தகராறு ஏற்பட்டது. இந்நிலையில் நேற்று அதிகாலை 4:30 மணியளவில் இந்துமதி, அவரது வீட்டில் துாக்குபோட்டு இறந்த நிலையில் கிடந்தார். தகவலறிந்த ஆவினங்குடி போலீசார், உடலை கைப்பற்றி விசாரணை மேற்கொண்டனர்.

சாவில் சந்தேகம் உள்ளதாக இந்துமதியின் தாய் செல்வி அளித்த புகாரின் பேரில் ஆவினங்குடி போலீசார் வழக்கு பதிந்து விசாரிக்கின்றனர்.