விருத்தாசலம் சப் இன்ஸ்பெக்டர் சந்துரு தலைமையிலான போலீசார் நேற்று மாலை வாகன தணிக்கை செய்தனர். அப்போது, ஆலடிரோடு முடக்கு வழியாக வந்த டிப்பர் லாரியை நிறுத்தி சோதனை செய்தனர். அதில் அரசு அனுமதியின்றி லாரியில் 3 யூனிட் கிராவல் மண் கடத்திச் சென்றது தெரிந்தது. விருத்தாசலம் போலீசார் வழக்குப் பதிந்து, லாரி மற்றும் மண் ஏற்றி ஜே.சி.பி., இயந்திரத்தை பறிமுதல் செய்தனர். மேலும், டிரைவர்கள் சின்னகண்டியங்குப்பம் வெங்கடேசன் மகன் தமிழ்ச்செல்வன், 36 மற்றும் , அன்புநகர் சின்னகாளை மகன் தினேஷ், 25, ஆகியோரை கைது செய்தனர்.