புவனகிரி சப் இன்ஸ்பெக்டர் ஆனந்தகுமார் மற்றும் போலீசார் நேற்று முன்தினம் ரோந்து பணியில் ஈடுபட்டனர்.

அப்போது மேலக்கீரப் பாளையம் நல்லத்தண்ணீர் குளம் அருகே நின்றிருந்த மூன்று வாலிபர்களை பிடித்து விசாரித்தனர்.

அப்போது அவர்கள், புவனகிரி அருகே திருப்பணிநத்தத்தை சேர்ந்த அஜித்குமார், 27; கீழ்கீரப்பாளையம் மெயின்ரோடு சுபாஷ், 23; கீரப்பாளையம் கண்ணன் கோவில் தெரு மதன், 23; எனத் தெரிய வந்தது.

மேலும் அவர்கள் கஞ்சா விற்பனை செய்தது தெரியவந்தது. அதையடுத்து, புவனகிரி போலீசார் வழக்கு பதிந்து, 3 பேரையும் கைது செய்தனர்.