விருத்தாசலம் அரசு ஆண்கள் மேல்நிலை பள்ளி வளாகத்தில் நடந்த நிகழ்ச்சிக்கு, கலெக்டர் அருண் தம்புராஜ் தலைமை தாங்கினார். எம்.எல்.ஏ.,க்கள் ராதாகிருஷ்ணன், சபா ராஜேந்திரன் டி.ஆர்.ஓ., ராஜசேகரன், நகராட்சி சேர்மன் சங்கவி முருகதாஸ் முன்னிலை வகித்தனர்.

ஆர்.டி.ஓ., சையத் மெஹ்மூத் வரவேற்றார். அமைச்சர்கள் பன்னீர்செல்வம், கணேசன் ஆகியோர் கலந்துகொண்டு பேசினார். வருவாய் மற்றும் பேரிடர் துறை அமைச்சர் ராமச்சந்திரன் சிறப்பு விருந்தினராக கலந்து கொண்டு, 3,543 பயனாளிகளுக்கு பட்டா வழங்கினார்.

இதில், நகராட்சி துணை சேர்மன் ராணி தண்டபாணி, ஒன்றிய சேர்மன் மலர் முருகன், ஒன்றிய துணை சேர்மன் பூங்கோதை கொளஞ்சி, நகர செயலாளர் தண்டபாணி, ஒன்றிய செயலாளர்கள் வேல்முருகன், பாவாடை கோவிந்தசாமி, தங்க ஆனந்தன், மாவட்ட இளைஞரணி அமைப்பாளர் கணேஷ்குமார், நகர துணை செயலாளர் ராமு மற்றும் தி.மு.க., காங்., நிர்வாகிகள், வருவாய்துறை, பொதுப்பணித்துறை அதிகாரிகள் பங்கேற்றனர்.

தாசில்தார் உதயகுமார் நன்றி கூறினார்.