கடலுார், மஞ்சக்குப்பம், ஜட்ஜ் பங்களா சாலையில் உள்ள கமல வல்லி சமேத கஜேந்திர வரதராஜ பெருமாள் கோவிலில் பிரம்மோற்சவ விழா, இன்று (23ம் தேதி) துவங்கி, வரும் 2ம் தேதி வரை நடக்கிறது.

விழாவை முன்னிட்டு இன்று காலை 9:00 மணிக்கு சிறப்பு திருமஞ்சனம், மாலை 6:00 மணிக்கு புற்றுமண் எடுத்தல், அனுக்ஞை, வாஸ்து சாந்தி, கருட துவஜப்பிரதிஷ்டை நடக்கிறது.

நாளை காலை 9:00 மணிக்கு கொடியேற்றம், 10:30 மணிக்கு யாக சாலை ஹோமம், திருமஞ்சனம், மாலை 6:00 மணிக்கு சுவாமி வீதியுலா நடக்கிறது.

சுவாமி புண்ணியகோடி விமானம், புரட்டாசி கருட சேவை, நாகவாகனம், அனுமந்த வாகனம், யானை வாகனங்களில் தினசரி வீதியுலா நடக்கிறது.

30ம் தேதி இரவு 7:00 மணிக்கு, சுவாமிக்கு திருக்கல்யாண வைபவம், 2ம் தேதி காலை 6:00 மணிக்கு திருத்தேர் உற்சவம், 3ம் தேதி மாலை 6:00 மணிக்கு துவாதச ஆராதனை, புஷ்பயாக உற்சவம், கொடி இறக்குதல் நடக்கிறது.

4ம் தேதி மாலை 6:00 மணிக்கு, 1008 சஹஸ்ரநாம அர்ச்சனை, ஊஞ்சல் சேவை, விடையாற்றி உற்சவம் நடக்கிறது.

விழா ஏற்பாடுகளை கோவில் நிர்வாகத்தினர் செய்து வருகின்றனர்.