கடலுார் மாவட்டம் பண்ருட்டி அடுத்த சூரக்குப்பம் வள்ளலார் காலணியை சேர்ந்தவர் முருகன். இவரது மகன் பரதன்,23; கூலித் தொழிலாளி. இவர் 16 வயது சிறுமியை காதலித்து, இருதரப்பு பெற்றோர்களுக்கும் தெரியாமல் திருமணம் செய்து கொண்டார்.

இதில் அந்த சிறுமி 4 மாத கர்ப்பிணியான நிலையில் உடல்நலம் பாதிக்கப்பட்டு பண்ருட்டி அரசு ஆஸ்பத்திரியில் சிகிச்சை பெற வந்தார். அப்போது அவரை பரிசோதித்த டாக்டர்கள் சிறுமி 4 மாத கர்ப்பிணியாக இருந்தது தெரிந்தது.

இது குறித்த தகவலின் பேரில் பண்ருட்டி அனைத்து மகளிர் காவல் நிலைய போலீசார் சிறுமியை திருமணம் செய்து கர்ப்பிணியாக்கிய பரதன் மீது வழக்குப் பதிவு செய்து விசாரித்து வருகின்றனர்.