கடலுார் மாவட்டம், காட்டுமன்னார்கோவிலை சேர்ந்தவர் ஆனந்தன், 34; கூலி தொழிலாளி. இவரது குழந்தை சுஷாந்த், 3. இந்த குழந்தை, நவ., 18 மாலை, வீட்டின் முன் விளையாடியது. அப்போது அருகில் உள்ள ஹோட்டல் அடுப்பில் இருந்த சூடான பரோட்டா குருமாவில் விழுந்தது.

இதில், உடல் முழுதும் காயமடைந்த குழந்தையை, காட்டுமன்னார்கோவில் அரசு மருத்துவமனையில் சேர்த்தனர். பின், மேல் சிகிச்சைக்கு சென்னை தனியார் மருத்துவமனையில் சேர்த்தனர். அங்கு சிகிச்சை பலனின்றி, நேற்று முன்தினம் இரவு குழந்தை இறந்தது. காட்டுமன்னார்கோவில் போலீசார் விசாரிக்கின்றனர்.