ரேஷன் அரிசிக்கு பதிலாக பணமாக தருவது என்ற முடிவை மத்திய அரசு வாபஸ் பெற வேண்டும் உள்ளிட்ட கோரிக்கைகளை வலியுறுத்தி கடலூரில் தபால் நிலையம் முற்றுகைபோராட்டம் நடந்தது. ஜனநாயக மாதர் சங்க மாநில துணைத் தலைவர் ஜான்சிராணி தலைமையில் 68 பேர் நேற்று மதியம் உழவர் சந்தையிலிருந்து ஊர்வலமாகச் சென்று மஞ்சக்குப்பத்தில் உள்ள தலைமை தபால் நிலையத்தை முற்றுகையிட்டு ஆர்ப்பாட்டம் செய்தனர்.அவர்களை டி.எஸ்.பி., வனிதா தலைமையிலான போலீசார் கைது செய்தனர்.