புதுச்சேரி 'தினமலர் - பட்டம்' இதழ், ஆச்சார்யா கல்விக்குழுமம் இணைந்து, கடலுார் வண்டிப்பாளையம் மவுண்ட் லிட்ரா ஸீ பள்ளியில் நடத்திய வினாடி வினா போட்டியில் 300க்கும் மேற்பட்ட மாணவர்கள் பங்கேற்றனர். இதில், 16 மாணவர்களை தேர்வு செய்து, 8 குழுக்களாக பிரிக்கப்பட்டு தகுதிச்சுற்று நடந்தது.

பள்ளி தாளாளர் கவிதா தலைமை தாங்கினார். போட்டியின் இறுதியில் ஏழாம் வகுப்பு மாணவர்கள் சஞ்சய், வசீகரன் முதலிடம், ஒன்பதாம் வகுப்பு மாணவர்கள் சுடர்வேந்தன், பிரகதீஸ்வரன் இரண்டாமிடம் பிடித்தனர். வெற்றி பெற்ற மாணவர்களுக்கு மவுண்ட் லிட்ரா ஸீ பள்ளி தாளாளர் கவிதா கண்ணன், சான்றிதழ், கேடயம் மற்றும் பதக்கம் வழங்கி பாராட்டினார். வினாடி வினா போட்டியில் பங்கேற்ற அனைத்து மாணவர்களுக்கும் சான்றிதழ் வழங்கப்பட்டது.