பண்ருட்டி ரத்தனா மெட்ரிக் மேல்நிலைப்பள்ளியில் படிக்கும் மாணவர்களுக்கு தாளாளர் ராமகிருஷ்ணன் சார்பில் தினமலர் நாளிதழின் பட்டம் இதழ் வழங்கப்பட்டது. பள்ளியில் வாசிப்பு திறன் அதிகரிக்கவும், பொது அறிவை வளர்க்கும் வகையிலும் ஆசிரியர்கள் பயிற்சி அளித்து வருகின்ற னர்.

இப்பள்ளியில் புதுச்சேரி தினமலர் பட்டம் இதழ் , ஆச்சாரியா கல்விக்குழுமம் இணைந்து பண்ருட்டி ரத்தனா மெட்ரிக் மேல்நிலைப்பள்ளியில், 'பதில் சொல், பரிசுவெல்' வினாடி-வினா போட்டி நடத்தியது. பள்ளி முதல்வர் ரவி தலைமை தாங்கினார்.

இந்த போட்டியில் தேர்வான 16 மாணவ, மாணவிகள் 8 குழுக்களாக பிரிக்கப்பட்டு, தகுதிச்சுற்று நடந்தது. போட்டி இறுதியில் பிளஸ் 1 மாணவர்கள் தன்வீர்ராம், சிவசுப்ரமணி முதலிடமும், பிளஸ் 1 மாணவிகள் திவ்யா, மோஷினாமின்னா இரண்டாமிடமும் பெற்றனர்.

வெற்றி பெற்ற மாணவிகளுக்கு பள்ளி முதல்வர் ரவி, தலைமை ஆசிரியர் ஸ்ரீதர், ஆசிரியர்கள் இளவரசன், ராஜலட்சுமி ஆகியோர் சான்றிதழ், கேடயம் மற்றும் பதக்கம் வழங்கி பாராட்டினர்.

போட்டியில் பங்கேற்ற அனைத்து மாணவ,மாணவி களுக்கும் சான்றிதழ்கள் வழங்கப்பட்டன. பள்ளி அளவில் வெற்றிபெற்ற இருஅணிகளும் மெகா வினாடி வினா போட்டியில் பங்கேற்க தேர்வாகினர்.