பண்ருட்டி ஜான்டூயி மெட்ரிக் மேல்நிலைப்பள்ளியில் படிக்கும் மாணவர்களுக்கு வாசிப்பு திறன் அதிகரிக்கவும். பொது அறிவை வளர்க்கும் வகையிலும், பட்டம் நாளிதழ் அளித்து ஆசிரியர்கள் பயிற்சி அளித்து வருகின்றனர். இப்பள்ளியில், புதுச்சேரி தினமலர் பட்டம் இதழ் , ஆச்சாரியா கல்விக்குழுமம் இணைந்து, பண்ருட்டி ஜான்டூயி மெட்ரிக் மேல்நிலைப்பள்ளியில், 'பதில் சொல், பரிசு வெல்' வினாடி வினா போட்டி நடத்தியது.

பள்ளி முதல்வர் வேலண்டினாலெஸ்லி தலைமை தாங்கினார். போட்டியில் தேர்வான 16 மாணவ, மாணவிகள் 8 குழுக்களாக பிரிக்கப்பட்டு, தகுதிச்சுற்று நடந்தது.

போட்டியின் இறுதியில் பிளஸ் 1 மாணவர் கார்த்திக் பிரியன், 8ம் வகுப்பு மாணவி ஹரிஷித் முதலிடமும், 7ம் வகுப்பு மாணவி தன்யாஸ்ரீ, நித்யஸ்ரீ இரண்டாமிடமும் பெற்றனர்.

வெற்றி பெற்ற மாணவிகளுக்கு பள்ளி தாளாளர் வீரதாஸ், முதன்மை முதல்வர் வேலண்டினாலெஸ்லி, பள்ளி செயலர் நிதின்ஜோஷ்வா, ஒருங்கிணைப்பாளர தேவி, ஆசிரியைகள் ஜீவிதா,சசிரேகா, ஆகியோர் சான்றிதழ், கேடயம் மற்றும் பதக்கம் வழங்கி பாராட்டினர்.

போட்டியில் பங்கேற்ற அனைத்து மாணவ, மாணவி களுக்கும் சான்றிதழ்கள் வழங்கப்பட்டன. பள்ளி அளவில் வெற்றிபெற்ற இருஅணிகளும் மெகா வினாடி வினா போட்டியில் பங்கேற்க தேர்வாகினர்.