புதுச்சேரி 'தினமலர் - பட்டம்' இதழ், ஆச்சார்யா கல்விக்குழுமம் இணைந்து கடலுார் முதுநகர் சங்கரன் தெருவில் உள்ள அரசு உயர்நிலைப்பள்ளியில் வினாடி வினா போட்டி நடத்தியது.

பள்ளி தலைமை ஆசிரியர் கிரிஜா தலைமை தாங்கினார். போட்டியில் தேர்வான 16 மாணவர்கள், 8 குழுக்களாக பிரிக்கப்பட்டு தகுதிச்சுற்று நடந்தது.

போட்டியின் இறுதியில் 9ம் வகுப்பு மாணவிகள் பவித்ரா, சிவசக்தி முதலிடமும், மாணவர்கள் அஜய், கோபிநாத் இரண்டாமிடமும் பெற்றனர்.

வெற்றிபெற்ற மாணவர்களுக்கு தலைமை ஆசிரியர் கிரிஜா சான்றிதழ், கேடயம் மற்றும் பதக்கம் வழங்கி பாராட்டினார். ஆசிரியர் புஷ்பா குளோரியா, உடற்கல்வி ஆசிரியர் மனோஜ்குமார் மற்றும் ஆசிரியர்கள், மாணவர்கள் நிகழ்ச்சியில் பங்கேற்றனர்.

வினாடி வினா போட்டியில் பங்கேற்ற அனைத்து மாணவர்களுக்கும் சான்றிதழ்கள் வழங்கப்பட்டன. பள்ளி அளவில் வெற்றி பெற்ற இரு அணிகளும் மெகா வினாடிவினா போட்டியில் பங்கேற்க தேர்வாகினர்.