புதுச்சேரி 'தினமலர் - பட்டம்' இதழ் மற்றும் ஆச்சார்யா கல்விக்குழுமம் இணைந்து நடத்தும் 'பதில் சொல் பரிசு வெல்' மெகா வினாடி வினா போட்டியின் பள்ளி அளவிலான போட்டி ஸ்ரீமுஷ்ணம் த.வீ.செ.மெட்ரிக்குலேஷன் பள்ளியில் நேற்று நடந்தது. த.வீ.செ. கல்வி நிறுவனங்களின் செயலாளர் செந்தில்நாதன் தலைமை தாங்கினார்.

போட்டியில் 6 ம் வகுப்பு முதல் பத்தாம் வகுப்பு வரை பயிலும் 300 மாணவர்கள் பங்கேற்றனர். முதல் நிலை தேர்வில் அதிக மதிப்பெண்கள் பெற்ற 16 பேர் இறுதி சுற்று போட்டிக்கு தேர்வாகினர். 8 அணிகளாக பிரிந்து இறுதி சுற்று போட்டி நடந்தது.

இதில் 7ம் வகுப்பு மாணவர்கள் ஜெயஸ்ரீராம், வீரஐயப்பன் அணியினர் முதலிடம் பிடித்தனர். 9ம் வகுப்பு மாணவர் சவுமித். 8ம் வகுப்பு மாணவர் ஆல்வின் அணியினர் 2 வது இடம் பிடித்தனர். வெற்றி பெற்ற இரு அணிகளுக்கும் பதக்கம் மற்றும் பரிசுகளை பள்ளி முதல்வர் ஆர்த்தி சுரேஷ் வழங்கினர்.

வெற்றி பெற்று முதல் இரு இடங்களை பிடித்த அணியினர் மெகா வினாடி வினா போட்டிக்கு தேர்வாகி புதுச்சேரியில் நடக்கும் இறுதி சுற்று போட்டியில் பங்கேற்க தகுதி பெற்றனர். இதில் பள்ளி ஆசிரியர் பெனாசிர்பேகம் மற்றும் ஆசிரியர்கள் பலர் உடனிருந்தனர்.