இதுகுறித்து அண்ணாகிராம வட்டார வேளாண் உதவி இயக்குனர் சுரேஷ் வெளியிட்டுள்ள செய்திக்குறிப்பில், தமிழ்நாடு பசுமை போர்வை திட்டத்தின் கீழ் வரப்பு ஓரங்களிலும, தனி பயிராக பயிரிடுவதற்கும் மரக்கன்றுகள் வழங்கும் திட்டம் செயல்படுத்தப்படுகிறது. இதில், திராசு கிராமத்தில் வனத்துறை நாற்றாங்காலில் தேக்கு மகோகனி மரக்கன்றுகள் தயாராக உள்ளன. ஒரு ஹெக்டேருக்கு வரப்பு ஓரம் நட 160, தனி பயிராக இருந்தால் 500 கன்றுகளும் தேவைப்படும். ஒரு விவசாயிக்கு அதிகபட்சமாக இரண்டு ஹெக்டேருக்கு வழங்கபடும். இது முற்றிலும் இலவசமாகும். ஆதார் அட்டை, சிட்டா, வங்கி கணக்கு புத்தகம் ஆகியவற்றின் நகலை உதவி வேளாண்மை அலுவலரிடம் கொடுத்து பரிந்துரை பெற்று மரக்கன்றுகளை பெற்று பயன் அடையலாம் என, தெரிவிக்கப்பட்டுள்ளது.