இந்நிலையில், ஆகஸ்ட் 19 இரவு கடலுாரில் திடீரென மழை பெய்தது. காலை வழக்கம் போல் வெயிலின் தாக்கம் அதிகமாக இருந்தது. இந்நிலையில், மாலை 6:00 மணிக்கு கடலுார், பண்ருட்டி, சேடப்பாளையம் உள்ளிட்ட இடங்களில் திடீரென சூறாவளி காற்று வீதியது. சிறிது நேரத்தில் பயங்கர இடி, மின்னலுடன் கனமழை பெய்தது. 7:15 மணி வரை ஒரு மணி நேரம் பெய்த மழையால் தாழ்வான குடியிருப்பு பகுதிகளில் மழைநீர் தேங்கி நின்றது. பிரதான சாலைகளில் தேங்கிய மழைநீரில் வாகனங்கள் ஊர்ந்து சென்றன.

பண்ருட்டி: மாலை 6:30 மணி அளவில் அண்ணாகிராமம் பகுதியில் பயங்கர சப்தத்துடன் மின்னல் தாக்கியது. அதில், , பாபுகுளம் கிராமத்தை சேர்ந்த கண்ணன்,75;வீட்டு தோட்டத்தில் இருந்த தென்னை மரம், கொட்டும் மழையில் தீ பிடித்து எரிந்தது. பண்ருட்டி, தீயணைப்பு படையினர் விரைந்து சென்று தீயை அணைத்தனர்.