sub-imageதினமலர் டிவி
sub-imagePodcast
sub-imageiPaper
sub-imageசினிமா
sub-imageகோயில்கள்
sub-imageபுத்தகங்கள்
sub-imageSubscription
sub-imageதிருக்குறள்
sub-imageகடல் தாமரை
Dinamalar Logo

ஞாயிறு, நவம்பர் 30, 2025 ,கார்த்திகை 14, விசுவாவசு வருடம்

டைம்லைன்


தற்போதைய செய்தி


தினமலர் டிவி


ப்ரீமியம்


தமிழகம்


இந்தியா


உலகம்


வர்த்தகம்


விளையாட்டு


கல்விமலர்


டீ கடை பெஞ்ச்


/

உள்ளூர் செய்திகள்

/

கடலூர்

/

கனமழையால் நெல் மூட்டைகள் சேதம் பெண்ணாடம் விவசாயிகள் கவலை

/

கனமழையால் நெல் மூட்டைகள் சேதம் பெண்ணாடம் விவசாயிகள் கவலை

கனமழையால் நெல் மூட்டைகள் சேதம் பெண்ணாடம் விவசாயிகள் கவலை

கனமழையால் நெல் மூட்டைகள் சேதம் பெண்ணாடம் விவசாயிகள் கவலை


ADDED : ஆக 02, 2025 11:08 PM

Google News

ADDED : ஆக 02, 2025 11:08 PM


Google News
Latest Tamil News
நிறம் மற்றும் எழுத்துரு அளவு மாற்ற

பெண்ணாடம்: பெண்ணாடம் பகுதியில் பெய்த திடீர் கனமழையால், கொள்முதல் நிலையங்களில் குறுவை நெல் மூட்டைகள் நனைந்து சேதமானதால் விவசாயிகள் கவலை அடைந்துள்ளனர்.

பெண்ணாடம் மற்றும் கோனுார், மாளிகைக்கோட்டம், தாழநல்லுார், கிளிமங்கலம் உட்பட 10க்கும் மேற்பட்ட கிராமங்களில் தமிழ்நாடு நுகர்பொருள் வாணிப கழகம் சார்பில், நேரடி நெல் கொள்முதல் நிலையம் கடந்த இருவாரங்களுக்கு முன் திறக்கப்பட்டது.

இங்கு, சுற்றியுள்ள 30க்கும் மேற்பட்ட கிராம விவசாயிகள் குறுவை நெல்லை விற்க மூட்டைகளாகவும் மற்றும் டிராக்டர் டிப்பரில் கொண்டு வந்து தரையில் கொட்டியும் வைத்திருந்தனர்.இந்நிலையில், நேற்று முன்தினம் இரவு திடீரென பெய்த கனமழையால், கோனுார் நேரடி நெல் கொள்முதல் நிலையத்தில் விற்பனைக்கு வைத்திருந்த 1,000த்திற்கும் மேற்பட்ட நெல் மூட்டைகள் மற்றும் கொள்முதல் செய்யப்பட்ட நெல் மூட்டைகள் நனைந்து சேதமடைந்தன.

கொள்முதல் நிலைய வளாகத்தில் தேங்கிய மழை நீரை, மோட்டார் மூலமாக வெளியேற்றும் பணி நடந்தது. இதனால் நெல் கொள்முதல் பணிகள் துவங்குவதிலும் சிக்கல் ஏற்பட்டுள்ளதால் விவசாயிகள் நெல் விற்க முடியாமல் கவலை அடைந்துள்ளனர்.

இதேபோன்று, மாளிகைக்கோட்டம், வெண்கரும்பூர், நந்தப்பாடி, கிளிமங்கலம், கணபதிகுறிச்சி, தாழநல்லுார், பெண்ணாடம் பகுதிகளில் உள்ள நேரடி நெல் கொள்முதல் நிலையங்களில் 3 ஆயிரம் நெல் மூட்டைகளுக்கு மேல் நனைந்து சேதமடைந்தன.

எனவே, மாவட்ட நிர்வாகம் கூடுதல் பணியாளர்களை நியமித்து கொள்முதல் பணியை விரைந்து முடிக்க நடவடிக்கை எடுக்க விவசாயிகள் கோரிக்கை விடுத்துள்ளனர்.

இதுகுறித்து, மாளிகைக்கோட்டம் விவசாயிகள் கூறுகையில், ' ஊழியர்கள் பற்றாக்குறையால் கொள்முதல் பணி தாமதமாகிறது. இதனால் நேற்று முன்தினம் இரவு பெய்த மழைக்கு நெல் மூட்டைகள் சேதமானது. ஈரப்பதம் அதிகம் உள்ளதாகக் கூறி நெல் கொள்முதல் செய்ய ஊழியர்கள் அலைக்கழிப்பர்' என்றனர்.






      Dinamalar
      Follow us