கடலுார் அடுத்த வெள்ளப்பாக்கம் கிராமத்தில் பூரணி, பொற்கலை அய்யனார் கோவில் உள்ளது. இக்கோவில் கும்பாபிஷேகம் முடிந்து ஒரு ஆண்டு நிறைவடைந்ததையொட்டி, முதலாம் ஆண்டு கும்பாபிஷேக பூர்த்தி விழா நேற்று நடந்தது.

விழாவையொட்டி, காலை 9:00 மணிக்கு சுவாமிக்கு அபிேஷக, அலங்காரம் நடந்தது. பின், 10:00 மணிக்கு யாகசாலையில் சிறப்பு ஹோமம் நடந்தது. தொடர்ந்து 11:30 மணிக்கு யாகசாலையிலிருந்து கடம் புறப்பாடாகி சுவாமிக்கு புனித நீர் ஊற்றி அபிஷேகம் நடந்தது. பின் மகா தீபாராதனை நடந்தது. விழாவில் திரளான பக்தர்கள் பங்கேற்று சுவாமி தரிசனம் செய்தனர்.

விழா ஏற்பாடுகளை கிராம மக்கள் மற்றும் குலதெய்வ வழிபாட்டுக்குழுவினர் செய்திருந்தனர்.