கடலுார் கனிமம் மற்றும் சுரங்கத்துறை உதவி இயக்குனர் தெய்வஅருள் நேற்று புதுச்சத்திரத்தில் வாகன சோதனை மேற்கொண்டார். அப்போது புதுச்சத்திரம் ரயில்வே ஸ்டேஷன் வழியாக சென்ற டி.என்.32.கியூ. 6928 பதிவெண் கொண்ட, டிப்பர் லாரியை சோதனை செய்ய நிறுத்தினர். உடன் டிரைவர், லாரியை நிறுத்திவிட்டு தப்பி ஓடிவிட்டார்.

லாரியை சோதனை செய்ததில், 3 யூனிட் மணல் கடத்தி செல்வது தெரிய வந்தது. அதன்பேரில் மணலுடன், லாரியை பறிமுதல் செய்து புதுச்சத்திரம் போலீசில் ஒப்படைத்தனர்.

அதன்பேரில் போலீசார் வழக்கு பதிந்து, தப்பியோடிய டிரைவரை தேடிவருகின்றனர்.