ADDED : ஜூன் 29, 2026 04:01 AM

அ நிறம் | அளவு
பரங்கிப்பேட்டை: கோவில் பூட்டை உடைத்து, பூஜை பொருட்கள் திருடியவரை, போலீசார் கைது செய்தனர்.
புவனகிரி அடுத்த ஜெயங்கொண்டான் கிராமத்தில் உள்ள வீரன் கோவிலில் நேற்று கோவிலின் பூட்டு உடைக்கப்பட்டிருந்தது.
இதைப்பார்த்த, அப்பகுதி மக்கள் அதிர்ச்சியடைந்து, கோவிலுக்குள் சென்று பார்த்தனர். கோவிலில் இருந்த, பூஜை மணி, பித்தளை குத்துவிளக்கு , பித்தளை குடம் உள்ளிட்ட பூஜை பொருட் கள் திருடுபோனது தெரியவந்தது.
இதுகுறித்து, கோவில் பூசாரி சுப்பராயலு கொடுத்த புகாரின்பேரில், மருதுார் போலீசார் வழக்குப்பதிந்து, புவனகிரி அடுத்த ஆதிவராகநல்லுார் கிராமத்தை சேர்ந்த சக்திவேலை, 49; கைது செய்தனர். அவரிடமிருந்து, பூஜை பொருட்கள் அனைத்தும் கைப்பற்றப்பட்டன.
