பண்ருட்டியில் இருந்து அறுபடை வீடுகளில் ஒன்றான பழநிக்கு பக்தர்கள் சென்று வருவதற்கு நேரடியாக பஸ் விட வேண்டும் என பொதுமக்கள் கோரிக்கை விடுத்து வந்தனர். இதன்பேரில் நேற்று முதல் பண்ருட்டி- பழநிக்கு நேரடியாக பஸ் இயக்கம் துவங்கியது. இந்த பஸ் பண் ருட்டி பஸ்நிலையத்தில் இருந்து பகல் 12:00 மணிக்கு புறப்பட்டு நெய்வேலி டவுன்ஷிப், நெய்வேலி, விருத்தாசலம், திட்டக் குடி,பெரம்பலுார், திருச்சி, மணப்பாறை, திண்டுக்கல், ஒட்டன்சத்திரம் வழியாக பழநிக்கு இரவு 9:15 க்கு சென்றடைகிறது. பயணநேரம் 9:15 மணிநேரம். பயண துாரம் 339 கி.மீ ஆகும்.

மறுமார்க்கத்தில் பழநியில் இரவு 11:15 மணிக்கு புறப்பட்டு திண்டுக்கல், மணப்பாறை திருச்சி, விருத்தாசலம், நெய்வேலி நகர் வழியாக பண்ருட்டிக்கு காலை 9:15 மணிக்கு வந்தடைகிறது.

இந்த புதிய பஸ் வசதியை திருச்சி, திண்டுக்கல், பழநிக்கு செல்லும் பயணிகள் பயன்படுத்திக்கொள்ள போக்குவரத்து கழகத்தினர் கேட்டுக்கொண்டுள்ளனர்.