புதுச்சத்திரம் பாலமுருகன் கோவிலில் பங்குனி உத்திர திருவிழா நேற்று முன்தினம் கொடியேற்றத்துடன் துவங்கியது. தினமும் காலை 10:00 மணிக்கு பாலமுருகன் சுவாமிக்கு பால், தயிர், சந்தனம், பஞ்சாமிர்தம் உள்ளிட்ட பல்வேறு பொருட்கள் கொண்டு, அபிஷேக ஆராதனை நடக்கிறது.

தொடர்ந்து பாலமுருகன் சிறப்பு அலங்காரத்தில் அலங்கரிக்கப்பட்டு, மகா தீபாராதனை நடக்கிறது. சிறப்பு விழாவான பங்குனி உத்திர திருவிழாவையொட்டி வரும் 10ம் தேதி காலை 5:00 மணிக்கு பாலமுருகனுக்கு அபிஷேக ஆராதனை செய்து, 8:00 மணிக்கு சாமியார்பேட்டை கடற்கரையில் இருந்து, காவடி உற்சவம் நடக்கிறது.