விருத்தாசலம் தெற்கு ஒன்றிய வி.சி., அமைப்பாளர் விஜயகுமார் தலைமையில் மண்டல துணை தாசில்தார் செல்வமணியிடம் கொடுத்துள்ள மனு:

விருத்தாசலம் அடுத்த வண்ணாங்குடிகாடு கிராம சாலையோரம் புல எண். 43ல் 6 ஏக்கர் பரப்பளவில் குடையான்குளம் இருந்தது.

இதனை பொது மக்கள், கால்நடைகள் பயன்படுத்தி வந்தன. மேலும் விவசாய பயன்பாட்டிற்கும் இதிலிருந்து தண்ணீர் எடுக்கப்பட்டது. நாளடைவில் குளத்தின் கரைகள், நீர்வழி பாதையை சிலர் ஆக்கிரமித்து விவசாயம் செய்து வருகின்றனர். இதனால் 6 ஏக்கர் குளம் காணாமல் போய்விட்டது. எனவே, மாயமான குளத்தை மீட்டு, அங்குள்ள ஆக்கிரமிப்பை அகற்றி பொது மக்கள் பயன்பாட்டிற்கு கொண்டு வர வேண்டும். இவ்வாறு, அதில் கூறப்பட்டுள்ளது.

பகுஜன் சமாஜ்., மாவட்ட ஒருங்கிணைப்பாளர் அருள்செல்வன், ராஜேந்திரபட்டிணம் ஊராட்சித் தலைவர் சடையன்பெயரன் உடனிருந்தனர்.