கருவேப்பிலங்குறிச்சி அடுத்த ராஜேந்திரபட்டிணம் ஊராட்சி, சின்னாத்துக்குறிச்சி கிராமத்தில் ஆயிரத்திற்கும் மேற்பட்டோர் வசிக்கின்றனர். கிராமத்தில் 30 ஆயிரம் லிட்டர் கொள்ளளவு கொண்ட மேல்நிலை நீர்த்தேக்க தொட்டியின் மூலமாக குடிநீர் வினியோகம் செய்யப்படுகிறது.

மேல்நிலை நீர்த்தேக்க தொட்டிக்கு நீரேற்றம் செய்யும் போர்வெல் மோட்டார், கடந்த 2 தினங்களுக்கு முன் பழுதடைந்தது. அதனை சீரமைக்ககாததால், கிராம மக்கள் குடிநீர் கிடைக்காமல் அவதியடைகின்றனர்.

இதனை கண்டித்து கிராம மக்கள் நேற்று காலை 9:45 மணிக்கு அதே பகுதியில் விருத்தாசலம் - ஜெயங்கொண்டம் சாலையில் காலி குடங்களுடன் அமர்ந்து மறியல் செய்தனர். கருவேப்பிலங்குறிச்சி போலீசார் நடவடிக்கை எடுப்பதாக கூறியதை தொடர்ந்து, காலை 10:00 மணிக்கு கலைந்து சென்றனர்.