நெல்லிக்குப்பம் நகராட்சிக்குட்பட்ட பகுதியில் தண்ணீர் சூழ்ந்த பகுதி மக்கள், பல்வேறு இடங்களில் முகாம்களில் தங்க வைக்கப்பட்டனர்.

அந்த வகையில், வான்பாக்கத்தில் பாதிக்கப்பட்ட மக்கள் அங்குள்ள ஆர்.ஆர்.பள்ளியில் தங்க வைக்கப்பட்டனர். அவர்களுக்கு நேற்று மதியம் 2:00 மணி வரை உணவு வழங்கவில்லை என, தெரிகிறது.

இதனால் ஆத்திரமடைந்த 500 க்கும் மேற்படடோர், கவுன்சிலர் ஹேமாவதி தலைமையில், போலீஸ் நிலையம் எதிரே, கடலுார் சாலையில் மறியலில் ஈடுபட்டனர்.

அப்போது, 4 பெண்கள் மயக்கமடைந்துள்ளனர். அவர்கள் ஆம்புலன்ஸ் மூலம் மருத்துவமனைக்கு அனுப்பி வைத்தனர்.

இன்ஸ்பெக்டர் ரவிச்சந்திரன், கமிஷனர் கிருஷ்ணராஜன் ஆகியோர் பேச்சுவார்த்தை நடத்தினர். சரியான நேரத்துக்கு உணவு வழங்குவதாக உறுதியளித்ததை தொடர்ந்து மறியலை வாபஸ் பெற்றனர். இதனால் மதியம் 2:00 மணி முதல் 3:20 வரையில், கடலுார்- பண்ருட்டி சாலையில் போக்குவரத்து பாதித்தது.