பண்ருட்டி, அண்ணாகிராமம் அடுத்த சின்னபேட்டை ஊராட்சியில் 473 ரேஷன் கார்டுதாரர்கள் உள்ளனர். இப்பகுதியில் வெள்ளத்தால் பாதிக்கப்பட்ட மக்களுக்கு பாரபட்சமாக நிவாரணம் வழங்குவதாக கூறி அப்பகுதியைச் சேர்ந்த 100க்கும் மேற்பட்டோர் நேற்று காலை 10:00 மணியளவில் திருத்துறையூர் மெயின் ரோட்டில் மறியலில் ஈடுபட்டனர்.

தகவலறிந்த புதுப்பேட்டை போலீசார் மறியலில் ஈடுபட்டவர்களிடம் பேச்சுவார்த்தை நடத்தினார். அதில், அனைவருக்கும் நிவாரணம் வழங்கப்படும் என தெரிவித்தனர். இதனையடுத்து மறியலில் ஈடுபட்டவர்கள் 10:30 மணியளவில் கலைந்து சென்றனர்.