விருத்தாசலம் அடுத்த கட்டியநல்லுாரில் ஆயிரத்திற்கும் மேற்பட்டோர் வசிக்கின்றனர். இக்கிராம மக்கள் அத்தியாவசிய தேவைக்கும், மாணவர்கள் பள்ளி, கல்லுாரிக்கும் விருத்தாசலம், மங்கலம்பேட்டை, உளுந்துார்பேட்டை உள்ளிட்ட பல்வேறு பகுதிகளுக்கு தினசரி சென்று வருகின்றனர்.

இந்நிலையில் கிராமத்திற்கென அரசு டவுன் பஸ் இயக்கப்படாததால், 4 கி.மீ., துாரம் உள்ள கோ.பூவனுார் பகுதிக்கு நடந்து சென்று பஸ் ஏறிச் செல்கின்றனர். இதனால் மாணவர்கள் பள்ளி, கல்லுாரிகளுக்கு தினசரி தாமதமாக செல்லும் நிலை உள்ளது. இது குறித்து உரிய நடவடிக்கை மேற்கொள்ள கிராம மக்கள் கோரிக்கை விடுத்துள்ளனர்.