இந்நிலையில், சமீப காலமாக கடலுார் வழியாகசிறப்பு ரயில்கள் அறிமுகப்படுத்தப்பட்டு வருகின்றன. அந்த வகையில், அகமாதாபாத்-திருச்சி இடையே சிறப்ப ரயில், கடலுார் வழியாக விடப்பட்டுள்ளது. தற்போது மற்றுமொரு சிறப்பு ரயில், செகன்திராபாத்தில் இருந்து வேளாங்கண்ணிக்கு விட தென்னக ரயில்வேஅறிவித்துள்ளது. இந்த சிறப்பு ரயில், வரும் 27 ம் தேதி முதல் இயக்கப்படுகிறது.

செகன்திராபாத்தில் இருந்து ரயில் எண் (07125), 27ம் தேதி காலை 8.25 மணிக்கு புறப்படுகிறது. மறுநாள் அதிகாலை வேலுார் 1:20 மணிக்கும்,திருவண்ணாமலை 2:20, விழுப்புரம் 3:50, கடலுார் முதுநகருக்கு காலை 4:30மணிக்கு வருகிறது.

சிதம்பரத்தில் 5:10க்கு கிளம்பி, மயிலாடுதுறை வழியாக திருவாரூர் காலை 7:00 மணிக்கும், நாகப்பட்டிணம் 8.10 மணி, 9:30 மணிக்கு வேளாங்கண்ணி சென்றடைகிறது.

அதேபோல், எதிர் திசையில் வேளாங்கண்ணியில் இருந்து ரயில் எண் (07126) 28 ம் தேதி இரவு 10:45மணிக்கு புறப்படுகிறது.

இந்த விரைவு ரயில் நாகப்பட்டிணத்திற்கு 11:00 மணிக்கும், திருவாரூர் 12:20, சிதம்பரம் 3:40; கடலுார் முதுநகர் 4:13, விழுப்புரம் 6:40 மணிக்கும், மறுநாள் அதிகாலை 3:00மணிக்கு செகன்திராபாத் சென்றடைகிறது.

பின்னர், 29ம் தேதி செகன்திராபாத்தில் இருந்தும் வேளாங்கண்ணிக்கும், 30 ம் தேதி வேளாங்கண்ணியில் இருந்து செகன்திராபாத்திற்கும் ரயில் இயக்கப்படுகிறது.