பண்ருட்டி அரசு மேல்நிலைப்பள்ளியில் பிளஸ் 2 படித்து வரும் 16வயது மாணவர். இவர் நேற்று முன்தினம் பள்ளியில் இருந்து மதிய உணவு சாப்பிட வெளியே சென்றார்.

அப்போது, விழமங்கலத்தை சேர்ந்த ஆகாஷ், ஆறுச்சாமி உள்ளிட்ட மூவர் சேர்ந்து முன்விரோதம் காரணமாக, காஸ் சிலிண்டர் டியூபால் பிளஸ் 2 மாணவரை தாக்கி கொலை மிரட்டல் விடுத்தனர்.

அதில் படுகாயமடைந்த மாணவர், பண்ருட்டி அரசு மருத்துவமனையில் சிகிச்சை பெற்றார். இதுகுறித்த புகாரின்பேரில் பண்ருட்டி போலீசார் வழக்குபதிந்து ஆறுச்சாமி,20யை கைது செய்தனர். மேலும், ஆகாஷ் உள்ளிட்ட இருவரை தேடிவருகின்றனர்.