வேப்பூர் அடுத்த சேப்பாக்கம் கிராமத்தில் தனியார் நிலத்தில் முருகன் சுவாமி கற்சிலை கிடப்பதாக, நேற்று முன்தினம் இரவு வேப்பூர் வருவாய் துறையினருக்கு தகவல் கிடைத்தது.

வேப்பூர் வருவாய் ஆய்வாளர் ராஜவேல் மற்றும் போலீசார் வந்து பார்த்த போது, அங்கு 4 அடி உயர முருகன் சுவாமி கற்சிலை மஞ்சள் மற்றும் குங்குமம் பூசிய நிலையில் கிடந்தது. சிலையை மீட்டு தாலுகா அலுவலகத்தில் பாதுகாப்பாக வைத்தனர். சிலையை வீசியவர்கள் குறித்து வேப்பூர் போலீசார் விசாரிக்கின்றனர்.