கடலுார், புதுநகர் போலீசார் ஆல்பேட்டை சோதனைச் சாவடி அருகில் நேற்று ரோந்து பணியில் ஈடுபட்டிருந்தனர். அப்போது, அவ்வழியாக பைக்கில் வந்தவரை சந்தேகத்தின் பேரில் நிறுத்தி விசாரணை நடத்தினர்.

விசாரணையில், கடலுார், மஞ்சக்குப்பம் முருகன், 40; என்பது தெரிந்தது. இவர் திருப்பாதிரிப்புலியூரைச் சேர்ந்த ரமேஷ் ராணா என்பவர் மஞ்சக்குப்பத்தில் உள்ள இவரது ஹார்டுவேர்ஸ் கடையின் பூட்டை உடைத்து கடந்த 31ம் தேதி, 3 மின் மோட்டார்களை திருடியது தெரிந்தது.

மேலும், செம்மண்டலம் முகமது அசாருதீனின் ஆட்டோ மொபைல்ஸ் கடையில் 5,000 ரூபாயும், மஞ்சக்குப்பம் சேகர், 48; என்பவரின் எலக்ட்ரிக்கல் கடையில் 10,000 ரூபாய் திருடியதும் தெரிந்தது.

உடன், புதுநகர் போலீசார் வழக்குப் பதிந்து முருகனை கைது செய்து, 2 மின் மோட்டார்களை பறிமுதல் செய்தனர்.