கலெக்டர் சிபி ஆதித்யா செந்தில்குமார் தலைமை தாங்கினார். கூட்டத்தில் விவசாயிகள் பேசிய விவரம் பின்வருமாறு:

சிவசக்திவேல்: செங்கால் ஓடையை துார்வார நிதி ஒதுக்கி சீரமைக்க வேண்டும். வெட்டிவேர் பயிர் சாகுபடிக்கு உரிய வழிகாட்டுதல் வேண்டும்.

முருகானந்தம்: கடல் நீர் உட்புகுவதால், குடிநீர், விவசாயம் பாதிக்கப்படும் நிலை உள்ளது. ஆதிவராகநல்லுாரில் தடுப்பணை கட்டித்தர வேண்டும்.

செந்தில்முருகன்: புத்தக கண்காட்சி, கோடைவிழாவைப்போல விவசாயிகள் நலன் கருதி விவசாய கண்காட்சி நடத்த வேண்டும்.

ராமலிங்கம்: விவசாயத்திற்கு முறையான மின்வினியோகம் இல்லாததால் பயிர்களுக்கு தண்ணீர் பாய்ச்ச முடியவில்லை. குறைந்தபட்சம் 6 மணி நேரம் தொடர்ந்து மும்முனை மின்சாரம் வழங்க நடவடிக்கை எடுக்க வேண்டும்.

கலெக்டர் சிபிஆதித்யா செந்தில்குமார், விவசாயிகளின் கோரிக்கைகள் குறித்து சம்மந்தப்பட்ட துறை அலுவலர்கள் ஆய்வு செய்து நடவடிக்கை எடுக்க அறிவுறுத்தினார். கூட்டத்தில் டி.ஆர்.ஓ.,ராஜசேகரன் உட்பட அனைத்து துறை அலுவலர்கள் பங்கேற்றனர்.