விழுப்புரம் மண்டல புவியியல் மற்றும் சுரங்கத்துறை மண்டல பறக்கும்படை உதவி இயக்குனர் முத்து தலைமையிலான குழுவினர் விருத்தாசலம் பகுதியில் நேற்று முன்தினம் இரவு சோதனை மேற்கொண்டனர். அப்போது, ஆலடி அடுத்த பாலக்கொல்லை ஆரம்ப சுகாதார நிலையம் அருகே வந்த டி.என்.31 - சி.5899 பதிவெண் கொண்ட டிப்பர் லாரியை மடக்கி சோதனை செய்தனர்.

அதில், அனுமதியின்றி 3 யூனிட் கிராவல் மண் எடுத்துச் சென்றது தெரிந்தது. அப்போது, லாரி டிரைவர் தப்பியோடினார். இது குறித்த புகாரின் பேரில், ஆலடி சப் இன்ஸ்பெக்டர் துரைக்கண்ணு தலைமையிலான போலீசார் வழக்குப் பதிந்து, டிப்பர் லாரியை பறிமுதல் செய்தனர். லாரி ஓட்டுனரை தேடி வருகின்றனர்.