விருத்தாசலம் அடுத்த எடச்சித்துார் வெங்கடேசன் மகன் ரங்கநாதன், 30. இவர், 17 வயது சிறுமியை காதலித்து, அங்குள்ள விநாயகர் கோவிலில் கடந்தாண்டு திருமணம் செய்து கொண்டார்.

இருவரும் தனிக்குடித்தனம் இருந்ததால், சிறுமி கர்ப்பமானார். விருத்தாசலம் அரசு மருத்துவமனையில் பரிசோதித்தபோது, சிறுமி 3 மாத கர்ப்பமாக இருப்பது தெரிந்தது. இதேபோல், எம்.பட்டியை சேர்ந்த கொளஞ்சி மகன் சங்கர், 24, என்பவரும் 17 வயதுடைய சிறுமியை காதலித்து, திருமணம் செய்து கொண்டார். விருத்தாசலம் அரசு மருத்துவமனையில் சிகிச்சை பெற்றபோது, சிறுமி 5 மாத கர்ப்பமாக இருப்பது தெரிந்தது.

விருத்தாசலம் ஊராட்சி ஒன்றிய விரிவாக்க அலுவலர் பாரதி, 59, புகாரின் பேரில், ரங்கநாதன், சங்கர் ஆகியோர் மீது போக்சோ பிரிவின் கீழ் இன்ஸ்பெக்டர் ஜெயலட்சுமி தலைமையிலான போலீசார் வழக்குப் பதிந்து, இருவரையும் தேடி வருகின்றனர்.