பெண்ணாடம் அடுத்த திருமலை அகரம், தெற்கு தெருவில் பிள்ளையார் கோவில் உள்ளது. கோவிலில் நேற்று நள்ளிரவு மர்மநபர்கள் கதவின் பூட்டை உடைக்கும் சத்தம் கேட்டு, அப்பகுதி மக்கள் சென்று பார்த்தபோது, கோவிலுக்குள் மர்ம நபர்கள் 3 பேர் உண்டியலை உடைப்பது தெரிந்தது.

உடன், அவர்களைப் பிடிக்க முயன்றபோது, ஒருவர் மட்டும் சிக்கினர். 2 பேர் தப்பியோடினர். சிக்கிய நபரை பெண்ணாடம் போலீசில் ஒப்படைத்தனர்.

விசாரணையில், பெண்ணாடம், சோழன் நகர் ஞானபிரகாசம் மகன் சந்தோஷ்குமார், 20; என தெரிந்தது. உடன் போலீசார் வழக்குப்பதிந்து சந்தோஷ்குமாரை கைது செய்து பைக்கை பறிமுதல் செய்தனர். மேலும், தப்பியோடிய அதே பகுதியைச் சேர்ந்த சதீஷ்குமார், சுரேஷ் ஆகியோரை தேடி வருகின்றனர்.