இது குறித்து அவர்கள் கூறியதாவது:

தடுப்பணையின் இடதுபுற பகுதியில், 100 ஏக்கர் பரப்பில் மேடாக உள்ளது. அப்பகுதியில் சீமைக் கருவேல மரங்கள் அதிகளவில் வளர்ந்து புதர்மண்டியுள்ளது. எனவே, அப்பகுதியில் உள்ள சீமைக் கருவேல மரங்களை அகற்றுவதுடன், மேடான பகுதியை துார்வாரி, 10 அடிக்கு ஆழப்படுத்த வேண்டும். இதன் மூலம், கூடுதலாக நீரை தேக்கலாம். இதற்கு அரசு நிதி ஒதுக்கீடு செய்யவில்லை எனில், விவசாயிகளுக்கு தடுப்பணையில் இருந்து, மண் அள்ள அனுமதி வழங்க வேண்டும். இதன் மூலம், தடுப்பணை ஆழமாகும். தடுப்பணையில் இருந்து, இது வரை ஏரிகள் மற்றும் பாசனத்திற்கு முறையாக தண்ணீர் விடுவதில்லை. எனவே, இதை முறைப்படுத்த நடவடிக்கை எடுக்க வேண்டும்.

இவ்வாறு, அவர்கள் கூறினர்.