தர்மபுரி :சிறுமியை கடத்தி, பாலியல் பலாத்காரம் செய்த வழக்கில், கூலித்தொழிலாளிக்கு, 15 ஆண்டு சிறை தண்டனை விதிக்கப்பட்டது.

தர்மபுரி மாவட்டம், அரூரை சேர்ந்தவர் கூலித்தொழிலாளி துரை, 24. இவர் கடந்த, 2017 ல், 17 வயது சிறுமியை கடத்தி, பாலியல் பலாத்காரம் செய்துள்ளார். புகார் படி, அரூர் போலீசார் துரையை போக்சோ வழக்கில் கைது செய்தனர்.

இது தொடர்பான வழக்கு, தர்மபுரி போக்சோ நீதிமன்றத்தில் நடந்து வந்தது. நேற்று முன்தினம் இறுதி கட்ட விசாரணை முடிவடைந்த நிலையில், துரை குற்றம் செய்தது உறுதியானது. இதையடுத்து, துரைக்கு, 15 ஆண்டு சிறை தண்டனை மற்றும், 15,000 ரூபாய் அபராதம் விதித்து, நீதிபதி சிவஞானம் தீர்ப்பளித்தார்.