அரூர்: அரூர், அ.தி.மு.க., - எம்.எல்.ஏ., சம்பத்குமார் தொகுதி மேம்பாட்டு நிதியில் இருந்து, 6 லட்சம் ரூபாய் மதிப்பில், அரூர் அரசு மருத்துவமனைக்கு பேட்டரி கார் வழங்கும் நிகழ்ச்சி நடந்தது. சம்பத்குமார் எம்.எல்.ஏ., தலைமை வகித்தார். மருத்துவ அலுவலர் ராஜேஷ்கண்ணன் முன்னிலை வகித்தார். முன்னாள் அமைச்சரும், எம்.எல்.ஏ.,வுமான அன்பழகன் பேட்டரி காரை பொதுமக்களின் பயன்பாட்டிற்கு துவக்கி வைத்தார். இதில், தெற்கு ஒன்றிய செயலாளர் பசுபதி, நகர செயலாளர் பாபு உள்பட பலர் கலந்து கொண்டனர்.