தர்மபுரி:மின்னணு தேசிய வேளாண் சந்தையில், தர்மபுயில் நடந்த மஞ்சள் ஏலத்தில், 18.54 லட்சம் ரூபாய்க்கு மஞ்சள் ஏலம் போனதாக, அதிகாரிகள் தெரிவித்தனர்.

வேளாண்மை விற்பனை மற்றும் வேளாண் வணிகத்துறையில், தர்மபுரி விற்பனைக்குழு செயல்பட்டு வருகிறது. இதில், விவசாயிகள் விளைவித்த பொருட்கள் மின்னணு தேசிய வேளாண் சந்தை மூலம், விற்பனை செய்யப்படுகிறது. மின்னணு தேசிய வேளாண் சந்தையில் நடக்கும் ஏலத்தில், மஞ்சள் விலை தொடர்ந்து உயர்ந்து வருகிறது.

கடந்த வாரம் ஒரு குவிண்டால் பனங்காளி மஞ்சள், 24,509 ரூபாய், விரலி, 14,799, உருண்டை, 12,299 ரூபாய் என ஏலம் போனது. நேற்று முன்தினம் நடந்த ஏலத்தில் விலை உயர்ந்து, ஒரு குவிண்டால் பனங்காளி மஞ்சள், 25,199 ரூபாய், விரலி, 15,279, உருண்டை, 13,429 ரூபாய் என ஏலம் போனது. இதில், நல்லம்பள்ளி, கடகத்துார், குரும்பட்டி, கன்னிப்பட்டி, ராமியம்பட்டி, பூமாண்டஹள்ளி, கர்தாரம்பட்டி, நிம்மங்கரை, பைசுஹள்ளி காட்டம்மபட்டி உள்ளிட்ட பகுதிகளை சேர்ந்த, 73 விவசாயிகள், 258 மூட்டைகளில் கொண்டு வந்திருந்த, 139.22 குவிண்டால் மஞ்சள், 18.54 லட்சம் ரூபாய்க்கு ஏலம்போனதாக, வேளாண் விற்பனை கூட கண்காணிப்பாளர் முரளிதரன் தெரிவித்தார்.